سیرت فورم ایک بین الاقوامی پلیٹ فارم ہے۔ جسے نبی  کریمﷺ کی سیرت کے حوالے سے عام عوام کے اندر آگاہی پیدا کرنے کے لیے بنایا گیا ہے۔ سیرت فورم کی تین کمیٹیں ہیں، جن میں ایک منصوبہ بندی کرنے والی ایگزیکٹو کمیٹی، ایک کمیٹی مشیران پر مشتمل اور ایک رائٹرز اور پروف ریڈنگ والی کمیٹی ہے۔ جن میں ہر مسلک کے معتبر علماء کرام موجود ہیں۔ رائٹرز اور پروف ریڈنگ کمیٹی کی جانب سے روزانہ سیرت النبیﷺ پر ایک آرٹیکل لکھ کر پروف ریڈنگ پراسس سے گزرا جاتا ہے۔ جس کا مواد قرآن کریم، صحاح ستہ، کتب سیرہ اور کچھ متفرق کتب سے لیا جاتا ہے۔ پروف ریڈنگ پراسس میں اس آرٹیکل کو تمام مسالک کے معتبر علماء کرام پر مشتمل پروف ریڈنگ کمیٹی کی جانب سے مکمل پڑھ کر  کر غلطیوں کی نشاندہی کرتی ہے۔ اور ان غلطیوں (الفاظ یا حوالہ جات) کی درستگی کرنے کے بعد اپرووڈ آرٹیکل جو قسط کی شکل میں ہوتا ہے روزانہ کی بنیاد پر تمام میڈیا چینلز پر شائع کیا جاتا ہے۔ سیرت النبی ﷺ انٹرنیشنل فورم کی جانب سے اس سلسلے میں روزانہ کی قسط کی آڈیو ویڈیو ریکارڈنگ بھی کی جاتی ہے، جو مختلف سوشل میڈیا چینلز/پیجز پر پبلش کی جاتی ہے۔ تاکہ جو لوگ پڑھنا لکھنا نہ جانتے ہوں وہ سن کر اپنے ایمان کو عزیمت بخش سکیں۔سیرت النبی ﷺ پر جو آرٹیکل پبلش کیے جا رہے ہیں وہ فی الحال صرف اردو اور انگلش زبانوں میں پبلش کیے جا رہے ہیں، لیکن مستقبل میں تمام میجر زبانوں کو بھی اس سلسلے میں شامل کیا جائے گا۔ تاکہ دنیا کی زیادہ تر عوام تک سیرت کا پیغام پہنچا کر حیات مبارکہ سے روشناس کرایا جا سکے۔ ان شاءاللہ